CUENTOS

 

B'IB'ITZ

K’UTZ B’IX YOQ’IN

At jun maj, at-taq jun k’utz n-ojlantaj tibàj jun taq’ab tze’, noqpatzan tpon jun yoq’an b’ix txi tma’n kyja’: ¿ti qo’n nb’isana? Ajs tz’aq’we’n k’utz: nti’ nchin b’isana, noq nchin kina te’j aj tzanxtenka at twitz tx’otx’.

Ntzajtzan te yoq’in o txi tqanin te k’utz: ¿ma’ wa’na?

Nchin ayona tijj qajwil , qa at jun nwaky’a tzajl tq’o’n chitzan k’utz aj tz’aq’we’n.

Ntxi’ tq’ama’n yoq’in te k’utz: na’nx tok tb’ena tyol qajwil o kyaj tq’ama’n chitzan kyja’: “tzajal tz’ujan tib’ twitza tun twa’na”

Mya weky’a o kyaj q’ama’n ajo, kye qa xinaq kyaj q’am’an chitzan te k’utz aj t-tz’aq’we’n.

Tzajtzan te yoq’in, chin o’nala te’ja tun twana . ntiltzan yoq’in jun k’ule’ch tok ti tqan tze’ b’ix o tma yoq’in tun tzaj t-tzyun, nnel laq’e te k’ule’ch b’ix a yoq’in o kab’an, b’ixtzan kyem te yoq’in, ntzajtzan k’utz nxi’ tman kyja: chjonte qajwil aj tu’n t-laj nchi’ya ma’ tzaj tq’o’na ja’la.

 

 

  

 

 

 

                                                                CHEJ B’IX B’OCH

Tuj jun pèn ite’taj qe alamaj, b’ix at-taq jun chej tuk’ jun b’och. Te chej k’ul twa ok tb’aj b’ix nimxix ok taq’nan . yajtzan te b’och ok tbaj wa’n noq qentaj t-ojlan tuj tqan q’ij. Qentaq tzaj tq’oj che tu’n t-laj jun maj o tz’ok q’o’n nim tiqas exin tu’n tajwil max tuj tnam, tajslen te chej sikynaj wena tun aq’untl, e’lil tnan chen qa ntzentaj b’och ti’j .

 

Aj tjawiltza q’ij, jawe’ te chej, b’ix mi al te b’och txi tkin cej, nnoktzan ten jyol te, txi t-qanin kye qe t-txu eky’ mataj nchin wa’n, kyja’x kye ne’l aj nchi b’et-taj atzojo, mi juntaj la’n tu’n jatum ta’taj b’och.

O tz’ex q’ij b’ix te chej kukxtaj tjiyon ti’j b’och , nxi’tzan tqa’nin te jun tzeky’ qa ot-taq til aj b’och, na’x twila aj b’och, mà’la txi q’e’n tuj plas tu’n txi k’ayin, atzan nchi pon b’aj kyaqil qe b’och matij tuntzan txi k’ayin aj tchib’jal.